နှလုံးသား ပိုင်ရှင်

မင်း ခုချိန်မှာ သူနဲ့ပတ်သက်ပြီးတော့ ခံစားနေရလား
သူနဲ့ ပြတ်သွားလို့ ကြေကွဲနေရသလား
သူ့အကြောင်းတွေကိုမထင်မှတ်ပဲသိလိုက်ရလို့ဝမ်းနည်းနေသလား
သူ့ကိုစိတ်မချတွေ သဝန်တိုတွေဖြစ်နေပေမယ့်မပြောရက်လို့ကြိတ်ငိုနေရလား
သူကမင်းအပေါ်မကောင်းဘူးဆိုတာလုံးဝသေချာသွားပြီလား
ဘာပဲဖြစ်ဖြစ်ခံစားရပြီ ဝမ်းနည်းကြေကွဲရပြီဆိုရင်တော့
ငါတို့ရဲ့တန်ဖိုးရှိတဲ့အချိန်တွေကိုအလကားကုန်ဆုံးရတော့မှာပဲ
တခြားသူတွေကတော့ဒါကိုဟားတိုက်ကောင်းတိုက်မယ်
ဒါပေမယ့် မင်းတို့ငါတို့အတွက်ကတော့ စိတ်ပျက်ဖို့ကောင်းတဲ့အရာတစ်ခုပါပဲ
ဘယ်လောက်ကျွမ်းနေတဲ့ရောဂါပဲဖြစ်ပါစေ
ကုသလို့ပျောက်ကင်းတဲ့ဆေးဆိုတာရှိမြဲပါပဲ
ငါပြောပြမယ်နော်
အဓိက ကတော့ စိတ်ပါ
မင်း စိတ်ရဲ့စွမ်းအားဆိုတာကိုသိလား
လူတစ်ယောက်ဟာ စိတ်မာကျောသွားပြီဆိုရင်
သူ့ရဲ့ စိတ်ဟာ သူ့ရဲ့ လက်တွေထက်ပိုပြီး ထက်မြက်တယ်
မင်းဟာ မင်းစိတ်ကိုချုပ်ထိန်းနိုင်အောင်အရင်ကြိုးစားရမယ်
ငါတစ်ခါပဲအရှုံးခံမယ် နှစ်ခါအရှုံးမခံဘူးဆိုတဲ့စိတ်ကိုထည့်ထားပေးပါ
အတိတ်ကကြေကွဲစရာအမှတ်ရစရာတွေကိုတွေးတောနေမယ့်အစားရွှေရောင်သန်းနေတဲ့အနာဂတ်ကိုမျက်နှာမူလိုက်ပါ
ငါ့မှာလှပတဲ့အနာဂတ်တွေရှိသေးတယ် ငါဒါလေးနဲ့အရှုံးခံလို့မဖြစ်ဘူးဆိုပြီးအားတင်းပါ
အမှတ်ရစရာတွေအားလုံးကိုအပြုံးလေးနဲ့ရင်ဆိုင်ပါ
မလွယ်ဘူးဆိုတာတော့ ငါနားလည်ပါတယ်
ဒါပေမဟ့် အတတ်နိုင်ဆုံးတော့ကြိုးစားကြည့်ပါဦး
ဘယ်လောက်ပဲဝမ်းနည်းနေပါစေ အစာငတ်ခံတာတို့ ကိုယ့်ကိုယ်ကိုထိခိုက်မယ့်အရာတွေမလုပ်မိပါစေနဲ့
ပြီးတော့ သူ့ဆီကိုလည်းဖုန်းဆက်ပြီးမငိုမိပါစေနဲ့
ဒူးထောက်နေတဲ့သူတစ်ယောက်ဖို့ ထပ်အရှုံးပေးရမယ်ဆိုရင်လည်း
မြေကြီးထဲဝင်ဖို့ပဲကျန်တာ့တယ်
နောက်တစ်ခုက တခြားစိတ်ဝင်စားဖို့ကောင်းတဲ့အရာတစ်ခုခုမှာစိတ်ကိနှစ်ထားလိုက်ပါ
အရမ်းစိတ်ပျက်အားငယ်နေတဲ့အချိန်မှာဆိုရင်
အခင်ဆုံးသူငယ်ချက်းတစ်ယောက်ကိုဖက်ပြီးအာူရပါးရငိုပစ်လိုက်ပါ
အကုန်လုံးမဟုတ်တောင်အနည်းငယ်တော့သက်သာသွားမှာပါ
အခွင့်အရေးရမယ်ဆိုရင်သူနဲ့အဝေးဆုံးနေရာတစ်ခုကိုထွက်သွားလိုက်ပါ
မိန်းကလေးတွေအတွက်ပြောချင်တာကတော့ စိတ်အားငယ်နေတဲ့အချိန်မှာ
အားလုံးကိုနားလည်ပေး အားပေးချင်ယောင်ဆောင်တဲ့
အချောင်သမားတွေအများကြီးရှိလို့ သတိထားပါ
ကိုယ့်ခံစားချက်ကိုလူတိုင်းကိုထုတ်မပြောမိစေဖို့အရေးကြီးပါတယ်
အလွမ်းသီချင်းတွေကိုရှောင်ရမယ်
အမှတ်တရဖြစ်စေမယ့်အရာတွေကိုရှောင်ရမယ်
ဒါတွေကိုမင်းကြိုးစားကြည့်မယ်ဆိုရင်
မင်းရဲ့ဝေဒနာက တဖြည်းဖြည်းသက်သာလာမယ်လို့ထင်ပါတယ်




                                                                                    စိုင်းနော်စိုး